كل يوم بنصحى على مشهد جديد من المجازر…
طفل جثته متغطيه بتراب المدرسة اللي كانت حضنه،
راجل كبير بيجري بكيس دقيق علشان يطعم عياله، فجأة يقع والدم يغرق الكيس والدنيا.

بقت غزة مش مجرد أرض…
غزة بقت جرح فـ قلب كل واحد فينا.

 هو مش صراع… هو اختبار ضمير

اللي بيحصل في غزة مش حرب…
اللي بيحصل هو مجزرة مُعلنة… عار بيتذاع ع الهوا،
وكل صامت مشارك، وكل متخاذل شريك،
وكل جبان ما قالش “كفاية” هو طرف في الدم.

بس… في وسط النار دي، بنلاقي نور
بنلاقي “أم شهيد” بتبوس جبين ابنها وتقول:

“روح يابني… إنت فـ الجنة وأنا فـ انتظارك.”

الكرامة مبتتسولش!

غزة مش بتطلب دقيق…
غزة بتقولك: “شوفنا وإحنا بنموت… اسمع صوتنا وإحنا بننزف”.

عارف يعني إيه راجل يخرج يجيب عيش لأسرته فيموت في الطريق؟
يعني إحنا بقينا بنُقتل علشان نحيا…!

 بس العِبرة مش بالبداية… العبرة بالنهاية

الاحتلال بيحاول يدفن غزة، بس مش عارف إن اللي اتزرع في غزة مش بشر… دول جذور نصر.
كل بيت وقع… حيقوم مقامه ألف.
وكل طفل استُشهِد… حيولد ألف بطل.

وإحنا هنا، في مصر، في قلب العروبة،
مش بس بنكتب عنكوا…
إحنا بنحس بيكوا… وبنوعدكوا إن الصوت مش حينكتم.

????️ تِفكّر إيه؟!

قال النبي ﷺ:

“أفضل الشهداء الذين يقاتلون في الصف الأول فلا يَلفتون وجوههم حتى يُقتلوا، أولئك ينعمون في جنات ربهم.”

وقال السيد المسيح في الإنجيل:

“طوبى للمضطهدين من أجل البر، لأن لهم ملكوت السماوات.”

يعني اللي مات فـ غزة…
ما ماتش… دا طلع لفوق، ساكن فـ مكان أرقى من كل عروش العالم.

 الرسالة ليك إنت

لو أنت حزين… متكسرش
لو أنت غاضب… متسكتش
لو أنت موجوع… افتكر إن الألم أول طريق الانتصار

الحق عمره ما بينهزم… الظلم بيكسب معركة، بس عمره ما كسب حرب

اصبر… قاوم… اتكلم… انشر… اكتب…
وما تبطلش دعاء

معاكم على طول
د. فريد شوقي المنزلاوي
ابن الشعب… اللي قلبه بينبض بالحق
مرشحكم عن دائرة المنتزه – الإسكندرية
عضو منظمة العفو الدولية
عضو الهيئة العليا لحزب العدل