في كام حريقة حصلوا الفترة اللي فاتت في كذا مكان، وناس كتير بدأت تقلق، وناس تانية بدأت تسأل: هو في إيه؟!

وأنا هنا مش جاي أطمنكم بكلام وخلاص، لكن جاي أقولكم الحقيقة زي ما هي.

ببساطة، اللي بيحصل ده وارد جدًا في أي بلد، خصوصًا مع الحر الشديد اللي كلنا حاسين بيه.

وأغلب الحرائق دي بتكون بسبب ماس كهربائي، أو إهمال بسيط في المطابخ أو المحلات، مش أكتر من كده.

بس اللي يطمن بجد، هو إن:

الحماية المدنية بتتحرك بسرعة، وبتسيطر على النار في وقت قصير.

الأهالي في كل مكان بيقفوا مع بعض وبيساعدوا بعض، وده بحد ذاته بطولة.

الحمد لله، الخسائر كانت في الممتلكات مش في الأرواح، وده ستر ربنا قبل أي حاجة.

 وخلينا فاكرين:

 كل أزمة بتعدي، بس بتسيب جوانا درس يقوّينا.

 في وسط كل محنة، بتظهر معادن الناس الطيبة اللي بتتحرك من غير ما حد ينده عليها.

 مش عاوزكم تحبطم ولا تفقدم الأمل المصري بطبعه صبور، ولو وقع بيقوم، ولو تعب بيشد على نفسه ويمشي تاني.

 مصر دايمًا بتعدي من كل حاجة… لأن فيها ناس قلبها على بعض، وفيها رجالة بتشتغل في صمت، وفيها رب كريم.

فخلي إيمانك دايمًا أقوى من خوفك… وخلي قلبك دايمًا عامر بالأمل والثقة. وأوعي تحبط أو ينضحك عليك خليك واعي

تحيا مصر… بينا وبولادها