وجه الدكتور فريد شوقي المنزلاوي، أحد القيادات المجتمعية البارزة، رسالة احتفاء بالغة القوة في بيان رسمي له، إشادة بالإنجاز الطبي غير المسبوق الذي حققه فريق طبي مصري في علاج طفل مصاب بمرض السعار، الذي يعتبره الطب العالمي "غير قابل للعلاج".

جاء نص بيان الدكتور فريد شوقي، تحت عنوان "مصر… لما تقرر تعمل المستحيل!"، كالتالي:

"اللي حصل مش إنجاز عادي… ده زلزال علمي مصر عملته قدّام العالم كله!

طفل مصاب بالسعار… المرض اللي الطب العالمي لحد النهاردة بيقول 'مالهوش علاج'! لكن مصر قالت: لأ… إحنا نقدر… وإحنا هنعملها!

بقيادة الدكتورة البطلة أمنية الرشيدي وفريق طبي مصري 100%… اتخلق بروتوكول علاجي جديد… ونجحوا ينقذوا حياة طفل ميت إكلينيكيًا في عيون الطب العالمي! أول حالة في العالم تتعافى… على أرض مصر… بإيد مصرية!

قولوا للعالم كله: مصر مش دولة عادية… دي دولة لما تدخل مجال… تكتبه من جديد.

رسالة لكل مصري: ارفع راسك… أنت من بلد بتكسر المستحيل وتبني أمل للعالم كله... جيش مصر الأبيض… أنتم المعجزة الحقيقية… أنتم رمز قوة مصر وقدرتها.

مصر… يا مصنع العباقرة… كل يوم بتثبت إنك فعلاً: قد الدنيا… وقدّها مليون مرة كمان."

أكد الدكتور شوقي أن هذا الإنجاز يمثل عودة لدور مصر كـ "أمّ للعلوم"، مشدداً على أن هذا النجاح هو رسالة قوة وإرادة تثبت أن مصر قادرة على صناعة المستقبل وتحويل المستحيل إلى واقع بجهود علمائها.