فيه ناس فاكرة إن تعدد العلاقات قوة… أو إنهم مطلوبين ومحبوبين أكتر.

لكن في الحقيقة دي واحدة من أوضح صور الفراغ النفسي.

لما كل ما علاقة توصل لمرحلة جدية تبدأ تدور على علاقة جديدة فإنت مش بتدور على حب إنت بتدور على إثبات إنك لسه مرغوب.
كل ما تبدأ علاقة جديدة بتحس بنشوة مؤقتة من دفعة dopamine تخليك حاسس إنك عايش وبعدها الملل.
فتسيب الشخص وتدور علي حد تاني.

٠٠٠٠٠٠ الأسباب اللي بتخليك تدور من علاقة للتانية:
نقص التقدير الذاتي قيمتك في عيون غيرك مش في عيون نفسك.
الخوف من الالتزام كل ما العلاقة تقرّب من مسؤولية حقيقية تهرب.
الإدمان على البدايات: البداية حلوة ومليانة شغف بس إنت مش قادر تواجه استمرار العلاقة.
جروح قديمة: خيانة إهمال أو رفض وتنمر بتخليك تكرر نفس اللعبة على غيرك من غير وعي.

٠٠٠٠٠ وللاسف ٠٠٠٠٠
بتكسر قلوب ناس بجد كانت شايفاك مختلف.
بتخسر احترامك لنفسك قبل احترام الناس.
بتدخل في دائرة وهمية كل مرة شكلها جديد… لكن النهاية هي هي.
والأسوأ… إنك بتكتشف إنك رغم كل العلاقات لسه فاضي من جوه.

٠٠٠٠ الحقيقة إنت مش واقع في الحب إنت واقع في الفراغ.
وكل علاقة جديدة مش بتعالج الجرح بتوسّعه وتعمقه أكتر.

٠٠٠٠ الحل مش إنك تلاقي الشخص الصح الحل إنك تواجه نفسك… وتبني قيمة داخلية من غير ما تستناها من نظرة إعجاب أو كلمة حلوة من شخص جديد.

ابني حبك لنفسك… الأول لأنك لو فضلت تهرب من وحدتك بعلاقات كتير هتفضل لوحدك حتى لو حواليك ناس.

٠٠٠٠٠ تعدد العلاقات (Serial Relationships) مش حرية… دي قيود.
أنت محبوس في وهم إنك مرغوب لكنك في الحقيقة عبد لإحساس لحظي رخيص بيتبخر بسرعة.

اسأل نفسك دلوقتي:
إنت بتدور على حب حقيقي ولا بتدور على مسكّن لفراغك؟

بقلم: دكتورة داليا خليل
اخصائي نفسي دكتوراه صحة نفسية وعلاج الإدمان