الدكتور فريد شوقي (خبير سياسي) ينشر بيان الإرادة الشعبية لدائرة المنتزه، ويصفه بأنه "لحظة مصير" لا تقبل التراجع. البيان، الذي انتشر بقوة، يدعو الناخبين للنزول المكثف يومي 10 و 11 ديسمبر واختيار المرشح هشام الرحماني (رقم 1 - التاج)، مؤكداً أنه "ابن الدائرة" الذي سيحمل هموم الناس.
حيث قال:
أهل المنتــــــــزة… قوموا! ده وقت الرجالة

يا رجالة المنتزة… يا سيدات المنتزة… يا شباب المستقبل… اللحظة دي مش عادية… دي لحظة “مصير”… لحظة نختار فيها راجل مننا… ابن دائرتنا… واحد منّا بجد!

المرة دي مش هنسيبها للصدفة… ولا هنسيب غيرنا يقرر مكانّا. دي معركتنا… ودائرتنا… ومستقبل ولادنا.

ووسط الزحمة… ظهر اسم يهز الأرض:

هشـــــــــام الرحمانــــــــي

رقم (١) –  رمز التاج

مش مجرد مرشح… ده حلم كل واحد فيكم ماشي على رجلين! ده صوت الناس اللي اتخنقت… وعايزة حد يشيل عنها. ده اللي خدم من غير منصب… وتحرك من غير أوامر… ووقف جنب الغلابة من غير ما يستنى كاميرا تصور.

ده ابنكم… وصوتكم… وسندكم. ولو وصل البرلمان… هيخش بإيدين أهل المنتزة… مش بإيد حد تاني!

يا أهل الدائرة… لو في يوم التاريخ هيكتب فيه “المنتزة قالت كلمتها”… فهو ١٠ و١١ ديسمبر.

اليومين دول مش انتخابات: دول معركة شرف. معركة وجود. ومعركة إن صوت المنتزة يفضل عالي ومسموع.

انزل… انده جارك… نادي صاحبك… خد أهلك… واعمل طابور يحكي إن المنتزة ما بتهزرش… وما بتتهاونش!

. اختار رقم (١) . اختار رمز التاج . اختار الراجل اللي يشيل الدائرة… ويشيلك فوق راسه - هشام الرحماني.

والمنتزة…؟ مش هتسيب حقها. والرحماني…؟ عمره ما هيسيب أهلها.

دي فرصتنا… ومش حتتكرر

الرحماني مش حلم… ده “أمل” كل شاب… ودعوة كل أم… وسند كل راجل. الرحماني نائب… “تفتخر بيه” إنه زميلك… أخوك… ابنك