الأهلي الزمالك بقلم المفكر فريد شوقي
الثلاثاء ٣٠ - سبتمبر - ٢٠٢٥
الأهلي الزمالك
يا جماعة …
الكرة رياضة، مش حرب.
فرحة جول مش أغلى من أخ أو صديق.
النتيجة بتتغير… النهارده تكسب، بكرة تخسر، لكن أهم حاجة تفضل العِشرة، وتفضل الأخلاق.
شوفوا الدوري الإنجليزي مثلًا… بعد المباراة، اللعيبة بتسلم على بعض، والجماهير بتتصور مع بعض… محدش بيخسر حد!
ليه إحنا نخلي الكورة سبب خصام أو كره؟ ليه نديها أكبر من حجمها؟
الأهلي والزمالك دول مش مجرد أندية…
دول تاريخ، فرحة، ذكريات، وهتافات بتجمعنا كلنا تحت راية واحدة: مصر
خلوا المنافسة شريفة… خلوا الماتش بهجة…
وافتكروا دايمًا: “الأخلاق قبل الكورة… والإنسان قبل الكاس.”
خلينا نشجع بحب، نضحك مع بعض، ونفخر إننا مصريين… لأن الفوز الحقيقي مش في ٣ نقط… الفوز إننا نفضل مع بعض قلب واحد.
أتمني أشوف يوم إن جمهور الأهلي والزمالك يخرجوا من الاستاد ضاحكين مع بعض… مش متخانقين
فريد شوقي
